Guðríður Jónsdóttir

Glæruverkefni staðnema

2003-11-28T21:34:00.000Z

Mér fannst glæruverkefnin hjá staðnemum mjög flott, sé þetta alveg í framtíðinni hér í fjarmámi í Kennó. Ef ég ætti að nota þetta í kennslu með nemendum mínum myndi ég láta nemendur gera svona t.d. þegar kemur að lokum þemanáms.

Ég skoðaði fyrirlestur um Birkinga (burkna) mjög svo fræðandi fyrir mig sem á langt í land með að vera með grænar hendur. Þetta var skemmtilegur fyrirlestur hjá kennaranemanum.

En er námskeiðinu þá ekki að verða lokið hjá mér?????

Herjólfur enn á ný

2003-11-25T15:30:00.000Z

Jæja þurfti aftur í höfuðborgina um helgina, flaug reyndar upp á land og borgaði fyrir það 10. 000 kr. fyrir mig og dætur mínar tvær. Svo er ég alltaf jafn heppinn lenti í aftakaveðri...

Ég hafði þetta nú samt af....

Onlý the lonley

2003-11-18T21:39:00.000Z

Já þetta tókst hjá mér, allt er nú til. Eins og ég sagði í tal blogginu mínu þá er þetta ekki fyrir mig. En þetta tók mig enga stund að gera ofureinfalt. Í augnablikinu sé ég þetta ekki nýtast í skólastarfi hjá grunnskólanemnum, en jú þetta gæti verið fínt í fjarnámi t.d. við fyrirlestur osfrv.....

2003-11-18T21:36:00.000Z

Skilaboð sendi ég
Sent með GSMbloggi Og Vodafone

2003-11-18T21:33:00.000Z

GSMblogg prufa

Skil og aftur skil

2003-11-17T14:41:00.000Z

Vá hvað skilin hellast yfir mann, ég er dauðfegin að hafa verið búin með þessa vefsíðu á undan áætlun.

Þarf að fara til Reykjavíkur um næstu helgi og ætla að styrkja flugfélagið, það kostar mig BARA 10. 000 kr. að fljúga til RVK aðra leiðina með tvö börn.... Þetta er algjört Rán. En eftir sjóferðina um daginn, tími ég þessu.

Vefsíður

2003-11-13T13:47:00.000Z

Þvílíkt flott að hafa vefsíðu á leikskóla barna sinna....

Herjólfur

2003-11-10T10:46:00.000Z

Þurfti nauðsynlega að fara upp á land á laugardaginn og koma heim á sunnudaginn. Ég hef bara ekki verið svona sjóveik síðan ég var barn. Nú bíð ég spennt eftir göngunum...

Enn kjaftstopp!!!

2003-11-07T15:13:00.000Z

Enn á ný sest ég hér og ætla að koma með eitthvað gáfulegt en er algjörlega tóm, en er þó komin með innlegg eða hvað?

Set kannski eina mynd eða svo

og eina slóð af skemmtilegum myndavef......

Hvað næst?

2003-11-03T12:47:00.000Z

Hvað ætli við eigum að gera næst?
Nú hellist yfir mig verkefna skil allan nóvembermánuðinn.
Æ ég hef ekki frá neinu að segja eins og er, ætla að fara að gera eitthvað að viti.....

Verkefnin

2003-10-31T16:32:00.000Z

Jæja þá er komin helgi eina ferðina enn. Ég er búin að breyta skólaverkefninu, tók þetta snið af (þar sem það virkaði ekki). Ég er búin að vera með spurningu inn á skólaspjallinu í sambandi við note page og sniðið á skólaverkefninu en einhverra hluta vegna er því ekki svarað og skiladagur á morgun. Þess vegna tók ég sniðið af og gerði nýjan link fyrir note page.

Mikið hlakka ég til þegar þessu misseri er lokið. En hér er slóðin mín af skilasíðunni.

Skilasíðan

2003-10-28T12:04:00.000Z

Þá er ég búin með glærusýninguna , tæknisöguna og skólaverkefnið

En skólaverkefnið er í klikki, þegar maður klikkar á tenglana þá lendir maður á síðunni hans Torfa, ég er að spá í að taka þetta snið af og sleppa því bara (skildi það vera í lagi?) svo er það glærusýningin þar sést ekki note page sem ég var að hafa fyrir að gera. Ég kann ekki, reyni og get ekki......

Power Point

2003-10-24T15:04:00.000Z

Ég er búin að breyta um efni til umfjöllunar í power point verkefninu. Ég ætla að fjalla um Næringu og hreyfingu barna og er reyndar búin að gera þessa líka flottu glærusýningu, en ég kem því ekki á Frontpage forritið. Hvar ætli ég geti fengið upplýsingar um hvernig það er gert.

Mér finnst vanta upplýsingar um framkvæmdina á þessu námskeiði, þ.e. leiðbeiningar hvernig hinn og þessi hluturinn er gerður (kannski er ég bara svona treg).

Lærdómshelgi

2003-10-23T12:29:00.000Z

Þá er hin langþráða lærdómshelgi hafin, vetrarfríið byrjað.

Foreldraviðtöl

2003-10-22T16:40:00.000Z

Ég hafði það af, fyrstu foreldraviðtölin eru búin hjá mér. Jákvæðir og skemmtilegir foreldrar.

Eitthvað er þessi skólaheimsókn að vefjast fyrir mér. Ég er búin að redda mér viðmælenda og er að fara að byrja að semja spurningar.

Helgarfrí???

2003-10-18T13:16:00.000Z

Jæja þá er aftur komin helgi. Nú er maður á fullu að undirbúa foreldraviðtöl sem verða á miðvikudaginn. Mikið rosalega verður þægilegt að fá vetrarfríið um næstu helgi.

Annars nýtast helgar mér illa í náminu. Litla dúllan mín vill ekki að ég sé endalaust að læra, hún vill fá mömmu sína í leiki. En þessa stundina skellti hún sér í sund með barnapíunni og ég ætla að nýta tækifærið og lesa og lesa og lesa......

Komið í lag

2003-10-15T22:26:00.000Z

Jæja ég er komin með geðheilsuna aftur. Gat puplisað loksins.

Var víst með rangt lykilorð :-(
En allavega er hún komin inn og slóðin á nýju skilasíðunni er http://frontpage.simnet.is/sbk/skilasida.htm

Ég er búin að vera sveitt við að fara yfir alla fælana gá hvort þar væru íslenskir stafir osfrv. Hef ekki getað lært neitt vegna þessa.

Tölvuvandræði

2003-10-15T22:14:00.000Z

Þetta er til Salvarar.
slóðin á síðunni minni er hér en skilasíðan hér
ég er búin að breyta feedback í skolastarf en kem henni ekki út á vefinn. Ég er með allar klær úti við að fá hjálp og er tilbúin til að borga fyrir hana.....

Vefsíðu-slóðin

2003-10-14T14:45:00.000Z

Salvör bað um slóðina á skilasíðunni minni en hún er http://frontpage.simnet.is/sbk/feedback.htm
Ég er ekki enn þá búin að ná að uppfæra síðuna mín, bilirý og bilirý....

Vefsíðan

2003-10-12T21:33:00.000Z

Nú er ég í vandræðum, ég var að bæta við vefsíðuna mín ferilsskrá og krækjum. Nú get ég ekki puplishað henni, hef oft verið að bæta inní og ekkert mál.

Svona er nú tæknin algerlega óáreiðanleg....

Spjallrásin

2003-10-10T22:26:00.000Z

Alltaf skal maður læra af mistökum, ég er búin að vera voða dugleg að skoða og svo fór ég að taka þátt í umræðu en viti menn ég var allt í einu komin á eitthvað annað námskeið....

Vefspjallið

2003-10-09T21:42:00.000Z

Mér finnst vefspjallið í fljótu bragði svolítið flókið. Ég náði að skrá mig inn og setja smá inn á prufu-þráðinn.
Ég held bara að svona spjall út í loftið (eða mér finnst það vera það) eigi ekkert við mig, það á betur við mig að taka upp símtólið og tala og tala og tala og tala....

En er það ekki svo að maður er hálf ragur við allt nýtt?
Ég ætla allavega að fara á fullt á vefspjall um helgina og þá kviknar kannski á ljósaperunni.

Mér þótti samt gaman að sjá að það var einhver (Salvör) sem sendi línu á spjallið mitt. Mér finnst ég nefninlega vera að tala við sjálfan mig.

Veðrið

2003-10-07T21:46:00.000Z

Mikið breytist veðrið hratt. Klukkan korter í átta í morgun labbaði ég í vinnuna í bongóblíðu. Tveim klukkutímum síðar var komið rok og rigning. Eftir þvi sem leið á daginn ligndi og stytti upp en nú er aftur byrjað að hvessa.

Annars finnst mér notalegt þegar veðrið er leiðinlegt, vera inni í hlýjunni og heyra í veðrinu. Þetta er viss slökun fyrir mig.

Er það ekki alltaf þannig að ef maður hefur ekkert að segja þá talar maður um veðrið? Þannig er það hjá mér núna.

Laugardagur

2003-10-04T23:06:00.000Z

Mikið er orkubókin hans Magga Scheving sniðug. Fjögurra ára frænka mín neitar að borða sælgæti því þá koma mínus stig í bókina hennar. Þessi bók þjálfar einnig talnaskilnig hjá börnum.
Dóttir mín sem er að verða átta ára langaði svo mikið í þessa bók og fór ég því að kaupa hana handa henni. Nú er fjölskyldan komin í átak og mikið kapp lagt við að fá sem flest stig.

þangað til næst

Tæknisaga

2003-09-29T21:56:00.000Z

Ég verð víst að játa það að ég er bara nýkomin á tækniöld. Tölvuspil og tölvuleikir þóttu mér alltaf hræðilega leiðinlegir (líklega vegna þess hve léleg ég var í þeim). Ætli það séu ekki svona 5 ár síðan ég snerti PC tölvu í fyrsta skiptið, og jesus minn góður hvað mér fannst þetta framandi, hafði ekki stjórn á músinni, skíthrædd um að tölvan myndi lemja mig ef ég gerði vitleysu.
Unnustinn var svo almennilegur að gefa mér GSM síma fyrir tveim árum og þá fór ég að fatta SMS, sem ég nota mjög mikið á ferðum til útlanda.
Tölvuna mína keyptum við fyrir 4 árum og er hún orðin nauðsynlegri en uppvöskunarvélin, aldrei hefði mig grunað það.
Síminn er orðin þráðlaus, og nettengingin ADSL, þvílíkur munur að geta talað í síman og unnið í tölvunni.
Fyrir fimm árum var ég ekki að velta mér upp úr þessari tækni, en í dag er ég á kafi í henni. Ég sendi t.d. tölvupóst daglega. Mig langar ofsalega mikið í fartölvu, betri prentara, flatan skjá og annan þráðlausan síma til að hafa upp á lofti hjá mér og einnig vantar bráðnausynlega stafræna myndavél

Framtíðarsýn mín er sú að ég muni nota tölvutæknina mikið meira en ég geri í dag. Heimilistækin verða líklega að hluta tengd við tölvuna mína þannig að ég get stillt tíma á eldavélinni minni þannig að hún kveiki á sér klukkan hálf sjö á meðan ég ligg í baði og hef það notalegt, því þá verð ég hætt í námi :-). Ég er ansi hrædd um að tæknin verði orðin það mikil að það er ekki lengur nausynlegt að fara út úr húsi til að kaupa í matinn.
Tæknin hefur auðvitað breytt miklu fyrir mig, ég væri t.d. ekki í námi núna því ég hef ekki getað hugsað mér að flytjast til Reykjavíkur.

Læt hér staðar numið

Vefleiðangur

2003-09-29T21:28:00.000Z

Loksins kom ég vefleiðangrinum á netið. Ég ákvað að fjalla um einelti því ég var að enda við að gera verkefni um einelti og það var mjög ferskt í minni hjá mér.

Nú er allt komið á fullt í náminu hjá mér. Endalaus skil framundan og þá fá börnin flensu (ótrúlegt).

Þangað til næst...

Saumaklúbbamót

2003-09-25T20:06:00.000Z

Við eyjakonur erum að plana saumaklúbbamót hér í Vestmannaeyjum. Í fyrra haust var kvöldskemmtun hér í eyjum þar sem saumaklúbbar Vestmannaeyja hittust, borðuðu saman, sýndu heimatilbúin skemmtiatriði og dönsuðu fram á rauða... Þetta heppnaðist svo vel að ákveðið var að færa út kvíarnar og bjóða konum ofan af fastalandinu að vera með.

Ég held ég sé búin að átta mig á þessum vefleiðangri, þá er bara að bretta upp ermarnar og drífa sig af stað....

Mánudagur

2003-09-22T21:18:00.000Z

Þá er ný vinnuvika runnin upp. Reyndar eru mánudagar í uppáhaldi hjá mér þennan veturinn því ég kenni bara fyrstu tvo tímana og svo get ég undirbúið mig fyrir vikuna og farið að læra.

Ég er að gera verkefni um einelti og hef verið að vafra á netinu um það efni. Flestar íslenskar síður eru eingöngu með skilgreininguna og svo hvernig á að bera sig þegar einelti hefur komið upp, fyrir gerendur og þolendur. Mér finnst vanta meira um forvarnir.

Þangað til næst...

Vefleiðangur

2003-09-20T22:54:00.000Z

Ef einhver les þetta þá er mér spurn hvað vefleiðangur er?
Í þessari 2. lotu á að skila vefleiðangri ásamt drögum að vefsíðu og tæknisögunni.

Ég var á kennaraþingi Suðurlands sl. fimmtudag og föstudag og fór á fyrirlestur um Olwus (veit ekki hvernig það er stafsett), og kom með jafnmargar spurningar til baka. Þetta er svo mikið leindó...

Vefrallý aftur

2003-09-16T21:18:00.000Z

Bara að láta vita að ég prufaði vefrallýið á nemendum mínum í dag og gekk það ótrúlega vel.

Þar sem ég er ný í kennarastarfinu og veit ekkert um tölvukunnáttu nemenda minna þá prentaði ég spurningarnar út með línum fyrir svör og lét nemendur svara mér skriflega, það gekk einnig vel.
Ég ætla að kanna hjá tölvukennaranum hvort þau kunni að klippa og líma og búa til annað rallý handa þeim sem væri þá unnið af einhverri fótboltasíðu. Nemendurnir eru algjörar fótboltafríkur.

Vefurinn minn

2003-09-14T14:26:00.000Z

Loksins tókst mér að koma vefrallýinu á heimasíðuna mína. Ég keypti mér bók sem heitir FrontPage 1. stig sem Rafiðnaðarútgáfan gefur út. Þessi bók er alveg búin að redda mér.

Þá er bara að bretta upp ermar og halda áfram með PowerPoint verkefnið.

Í dag er sól og blíða, kjörið að skella sér út í göngutúr.

Þangað til næst...

Vefrallý

2003-09-13T11:57:00.000Z

Þetta vefrallý er fyrir nemendur í 6. - 7. bekk. Vefrallýið má vinna í tveggja manna hópum . Tilgangurinn er að vekja áhuga á umhverfinu okkar og mikilvægi þess að halda því óspilltu.
Hvað veist þú um umhverfismál og mikilvægi þess að vernda umhverfið okkar hér á jörðinni? Nú skiptir máli að vera snögg að svara eftirfarandi spurningum. Svörin finnurðu á Umhverfisvefnum http://www.umvefur.is/
Niðurstöðum skal skilað skriflega að verkefni loknu til kennara.

1. Hvert er markmið umhverfisfræðsluráðs?

2. Hvað er mengunartjón?

3. Hvað er náttúruvernd?

4. Hvað er áburður?

5. Hvað er ósonlag?

6. Hvað er skólp?

7. Hvað er spilliefni?

8. Hver er munur á ölkelduvatni og neysluvatni?

9. Hvað er mengun?

10. Hver voru áhrif Chernobylslyssins á dýrin?

11. Hvað er vistkerfi?

12. Hvernig efni eyða osonlaginu?

13. Hvernig má draga úr skaðlegum áhrifum olíumengunar?

Foreldrafundur

2003-09-09T21:46:00.000Z

Jæja þá er fyrsti foreldrafundurinn búinn. Ég get ekki sagt annað en að mér hafi kviðið smá fyrir sem var alger óþarfi. Það var ágætis mæting, hefði samt viljað sjá fleirri.

Óli Týr maðurinn hennar Jóhönnu er að verða fertugur og ætlar að halda upp á það 26. sept. Ég fékk boðskort í gær og hlakka mikið til að mæta í partýið.

Á laugardaginn er dansleikur með Sálinni hér í Vestmannaeyjum, aldrei að vita nema maður skelli sér ef ég verð dugleg að læra.

Þangað til næst...

Commentið

2003-09-06T23:59:00.000Z

HEi ég sá að Commentið mitt var komið inn, kannski kemur það bara og fer svona eins og með peningana sem vilja ekki vera lengi í veskinu mínu.

Húrra fyrir mér...

Glærusýning

2003-09-06T23:56:00.000Z

Ég var að spá í að vera með glærusýningu úr samfélagsfræði fyrir 6. bekk. Ég nota bókina Sjálfstæði íslendinga 1 sem mína aðal og einu heimild. Glærusýningin er unnin upp úr þeirri bók og á glærusýningin að vera þannig að ég geti notað hana í kennslu hjá bekknum mínum.

Svo að öðru við mæðgurnar vorum að koma heim af pysjuveiðum vorum í rétt rúman klukkutíma og fengum 9 stk. og allir voða kátir og þreyttir.

Eitthvað gengur brösulega fyrir mig að koma þessu commenti inn hjá mér, það ætlar bara ekki að hafast. Samt þegar ég er búin að peista slóðana inn og kíkja á prewiew þá kemur það en ekki eftir að ég vista það inn.

Já og loksins tókst mér að koma vefsíðunni minni á veraldarvefinn en ekki með nokkru móti að ég kæmi því í gegnum khi.

þangað til næst....

Loksins

2003-09-01T13:38:00.000Z

Jæja loksins eru pysjurnar lentar ég dreif mig á pysjuveiðar um helgina. Fengum ekkert á föstudagskvöldinu. Það var múgur og margmenni að leita en eitthvað var lítið um að pysjan kæmi í bæinn, líklega of mikið logn.

Á laugardagskvöldið fengum við þrjár, jibbý, og svo var farið að sleppa á sunnudaginn.

Af tölvumálum hjá mér er það að frétta að ég er búin að gera vef en kem honum ekki út á netið, það hlýtur að hafast einhvernveginn.

Yngri dóttir mín var að byrja á leikskóla og líkar það bara vel, er í aðlögun, mér finnst að foreldrar ættu líka að fá aðlögun. Þetta er svo erfitt fyrir okkur (mömmurnar) að sleppa hendinni af þeim svo ungum.

Þangað til næst...

Helgarfrí

2003-08-29T13:29:00.000Z

Já þá er loksins komið að helgarfríi hjá mér... eða hvað. Nei ætli maður liggi ekki yfir skólabókum meiri part helgarinnar. Annars ætla ég að skella mér á Pysju-veiðar í kvöld og líklega annað kvöld með dóttur minni. Já loksins er pysjan byrjuð að fljúga í bæinn og ég er ekkert skárri en börnin sem hlaupa um göturnar er kvelda tekur.

Þangað til næst...

Pictonary

2003-08-27T21:25:00.000Z

Ég er mjög lítið fyrir tölvuleiki og hef alltaf verið það frá því ég man eftir mér (kannski af því að ég er ekki mjög klár í þeim). En að spila Pictionary eða teiknispilið er alveg geggjað, það er líka hægt á netinu. Maður teiknar og giskar alveg eins og í þessu venjulega. Endilega prufið að spila við einhverja úr ólíkum heimsálfum.

þangað til næst...

Skólasetning

2003-08-25T21:32:00.000Z

Já þá er stóra stundin runnin upp í dag var skólasetning í Barnaskóla Vestmannaeyja Ég fékk smá fiðring í magan sem fór svo út í veður og vind. Nemendur mínir eru hressir krakkar og ég veit að það verður stuð í vetur hjá okkur.

Af okkur Vestmannaeyingum er allt gott að frétta, blíða í dag og spáir víst þannig næstu daga. Þá er bara um að gera að skella sér í göngu á fallegu fjöllin okkar.

Þangað til næst...

Tölvuvandræði

2003-08-24T18:11:00.000Z

Alltaf er það sama sagan, ekkert virkar er heim er komið. Ég er að reyna að gera vefsíðu en þá get ég ekki notað khi síðuna mína.
Hafði því bara samband við simnet og þeir segja þetta ekkert mál fyrir mig. Mér finnst nefnilega búið að vera svo mikið tölvuklúður hjá Kennó og nú er ég búin að fá nóg...

Vonandi fæ ég að nota simnet síðu í stað khi.

Það er samt svo skondið hvað ég þessi þolinmóða manneskja get pirrast og argast við tölvuna mína sem getur ekki svarað fyrir sig, en mér þykir hún samt orðin mikilvægari en uppvöskunarvélin sem ég hef alltaf verið svo ánægð með.

Þangað til næst...

Loksins komin heim

2003-08-20T21:02:00.000Z

Jæja þá er maður loksins komin heim í heiðardalinn.
Ég og dóttir mín tókum seinni ferð með Herjólfi í gær og sváfum eins og steinar alla leiðina, svo var mætt í vinnu kl 8 í morgun og verið að til rúmlega 4.

Ég er að fara að kenna í fyrsta skipti og líst bara vel á veturinn. Ég verð ásamt vinkonu minni með umsjón í 6. bekk.

Þangað til næst....

Hvers vegna að skjóta þá?

2003-08-18T13:41:00.000Z

Bubbi söng um hvalveiði. Ég er ekki hvalfriðungur, vill láta veiða þá því þeir eru að hafa af mér tekjur þar sem þeir borða mikið af loðnu sem maðurinn minn gæti veitt meira af. BBC er með eitthvað um þetta. Einnig er þessi grein þar.
Húsvíkingar eru með hvalaskoðunarferðir, þó ég vilji skjóta hvalina þá er alveg örugglega gaman að fara í eina svona ferð.

Þangað til næst...

Mynd af mér

2003-08-18T13:03:00.000Z

Hæ þá er maður mættur aftur í skólann eftir góða menningarnótt, skemmti mér konunglega.
Nú þarf ég að fara að pakka niður og setja sig í náms-gírinn og fara að vinna eftir rúmlega tveggja ára hlé.

Þangað til næst....

Vinir

2003-08-15T16:25:00.000Z

Í tölvuvæddu samfélagi getur fólk orðið einmanna en góð lausn er að finna sér vini á netinu. svo er það það nýjasta nýtt friendster sem er einhverskonar vinanet, þar getur maður kynnst einhverjum sú síða er ekki beint stefnumóta síða en það er aldrei að vita hvað getur gerst. Oft skapast fjörugar umræður á málefni.com

Tenging í Jóhönnu

2003-08-15T16:08:00.000Z

Við hlið mér er hún Jóhönnu

Kynning

2003-08-15T15:57:00.000Z

Hæ hæ ég er Guðríður og er alltaf kölluð Gugga og kem frá Vestmannaeyjum. Ég er í sambúð með Kolbeini Agnarssyni og eigum við tvær prinsessur, tveggja og sjö ára.

Ég er að byrja mitt þriðja ár í Kennaraháskóla Íslands, grunnskólaskor, fjarnám og stefni á að klára vorið 2005.

Þetta er mín fyrsta frumraun í blogginu.

Bless í bili...

ég er í Kennaraháskólanum núna.

prófa

2003-08-15T11:55:00.000Z

bæði sdfasdfasdf